سهدت في  ليل حيران  قبالي

عيشك !! يا القلب لا تضيق بصبري

عيشك.. ذ  الخاطر يحزن   ويشين حالي

والعتاب يزيد في  ندامتي  وقهري

 ما يعزيني الصبر واذا  هو  صنع خيالي

وما نشكيه همي  ولو  يقسم  ظهري

صنت المحبة  حين بغا المعشوق  هجري

وحين  هجر  طيفه  بقا  في   بالي

أنا   المجروح  في مكتوبي  وزهري

وملاح  الناس  جبروني غريب  لا   تالي

قلت  لهم أنا المهموم  والهم خبري

لا  ترومو لقلبي  عاف  الحب ع اللي  صرالي

بمواويل غناية  وسبحة  نجوم  تلالي

نعطيها  للمتاهة ونتفقد  في  الهم  سفري

تحملني همسة  ريح  تسرح    بخيالي

قد   فات  السعد  مبارح   من  قدامي بكري

حرقة  موشومة تحرق جواب سؤالي

حملتها  بجمارها  وسريت  نجري

نخليها ومراسلي  وكتوبي   تنحرق  ؟

نخليها والعيون تبكي  وتشهق..؟

محال ..كنت  نجبن  ونهين  حالي

ياك  أمّي الحق   حق  ما   يسالي

أنا غربت والاَخر  شرق

…لقانا الله  وعاود  فرق

علا في  سماه صار   نجم    في العالي

ومن  بعدو  صرت نتكبد الهم  ونتحرق

متلوع  حسرة..وعيني  في  دموع  تغرق

نشوفو ..فاني..وفتيل الشمعة ذبالي

مشا الليل ..و فين    التالي..؟؟

ماشي  بكيفي القلب  يطرطق

ماشي   بكيفي  القدر   سبق

غاضني   الحال  والجرح   ما   برا لي

ورضيت  بالقسمة اللي  ربي  قسمها  لي

ربي يجمع وربي  يفرق

 والعشق  هاكا   معايا ما يصدق